Nënkryetari i Partisë Demokratike, Nikola Kedhi, ka reaguar pas deklaratave dhe audiopërgjimeve të publikuara nga ish-zëvendëskryeministri Arben Ahmetaj në intervistën e tij të pestë.
Kedhi shprehet se materialet e bëra publike, në një demokraci normale, do të duhej të kishin shkaktuar një tronditje të fortë politike dhe institucionale.
Sipas tij, në një situatë të tillë kryeministri dhe qeveria do të duhej të jepnin dorëheqjen, ndërsa drejtësia duhej të niste menjëherë hetimet.
Ai thekson se Partia Demokratike e ka denoncuar prej kohësh atë që e quan “skema e KAYO”, duke kujtuar aksionin e opozitës në Parlament dhe në Komisionin e Sigurisë.
