Kryeministri Edi Rama ka reaguar pas debateve mbi paketën fiskale të vitit 2027, duke pretenduar se diskutimet e deritanishme bazohen në dokumente pune të publikuara pjesërisht dhe jo në variantin përfundimtar.
Rama paralajmëron se qeveria do të prezantojë nesër buxhetin e ri, i cili sipas tij për herë të parë në histori do të kalojë vlerën e 10 miliardë eurove. Ai e cilëson gjithashtu paketën si nismën më ambicioze për rishpërndarjen e rritjes ekonomike.
“Flisni flisni për masat e reja fiskale, grijeni sallatën tuaj të urrejtjes dhe padijes me dokumenta pune të dalë gjysma-gjysma, se nesër e ka radhën qeveria të thotë fjalën e saj me miratimin e buxhetit të parë në histori që kalon pragun e 10 miliardë Eurove dhe paketës më ambicioze të rishpërndarjes së rritjes ekonomike”, shkruan Rama në Twitter.
