Një turist ka denoncuar në redaksine e Maksa.al një incident që i ka ndodhur në një pastiçeri në Tiranë, duke paralajmëruar konsumatorët të mos blejnë produkte në SOMEG.
Sipas denoncimit, ai kishte blerë ushqim, por pasi kishte kafshuar një copë, kishte vënë re se produkti ishte i mbuluar me myk.
Turisti shprehet se, pavarësisht situatës, stafi i pastiçerisë nuk pranoi t’i kthente paratë.
“Mos hani te SOMEG në Tiranë! Bleva këtë ëmbëlsirë nga SOMEG Bakery dhe ishte e mbuluar me myk (sigurisht pasi kisha kafshuar një copë). Ata nuk pranuan as të më rimbursonin. E neveritshme dhe e rrezikshme“, tha ai .
Denoncimi është shoqëruar edhe me një fotografi të ushqimit, ku duken njolla që turisti pretendon se janë myk.
