Prestigjiozja franceze Le Monde i ka kushtuar një artikull vendimit të qeverisë shqiptare për të financuar me rreth 4 milionë euro koncertin e reperit amerikan Kanye West në Tiranë. Siç shkruan politiko.al. media franceze e lidh këtë zhvillim me protestat që kanë hyrë në muajin e dyte në Shqipëri kundër qeverisë dhe projekteve të debatueshme në bregdet.
Në artikull, Le Monde rikujton se Kanye West është shpallur i padëshiruar në shumë vende evropiane për shkak të deklaratave të tij antisemite dhe neo-naziste, ndërsa vëren se qeveria shqiptare ka vendosur të mbështesë financiarisht organizimin e koncertit të tij. Sipas gazetës, mijëra protestues e shohin këtë vendim si një përdorim të papërshtatshëm të fondeve publike në një kohë kur në vend po zhvillohen protesta të vazhdueshme kundër qeverisë.
I ndaluar të hyjë ose të performojë në shumë vende për shkak të deklaratave të tij antisemite dhe neo-naziste, reperi amerikan pritet të ngjitet në skenë më 11 korrik në Tiranë. Shumë protestues akuzojnë kryeministrin Edi Rama se po e përdor këtë aktivitet për interesat e tij.
Reperi amerikan Kanye West, i cili konsiderohet i padëshiruar në shumicën e vendeve evropiane për shkak të deklaratave të tij neo-naziste dhe antisemite, do të pritet megjithatë me krahë hapur të shtunën, më 11 korrik, në Tiranë, nga qeveria shqiptare, e cila aktualisht po përballet me protesta të forta në rrugë.
Kryeministri i këtij vendi të vogël ballkanik, socialisti Edi Rama, njoftoi më 6 korrik se do të akordonte “urgjentisht” një subvencion prej 4 milionë eurosh për të shpëtuar koncertin e artistit kontrovers amerikan, i planifikuar të zhvillohej atë mbrëmje në periferi të Tiranës.
Njoftimi shkaktoi zemërim te mijëra protestues, të cilët që prej fundit të muajit maj mblidhen çdo mbrëmje përpara godinës së Kryeministrisë për të kundërshtuar projektet luksoze të zhvillimit imobiliar në bregdetin shqiptar, të lidhura me dhëndrin e presidentit amerikan, Jared Kushner, dhe vajzën e tij, Ivanka Trump.
“Kanye West është një antisemit i njohur. Dhe tani qeveria do të shpenzojë 4 milionë euro që koncerti të zhvillohet”, deklaroi Edison Lika, aktivist i lëvizjes së quajtur “Revolucioni i Flamingove”, një emër që i referohet zogjve shtegtarë…
