Këngëtarja uellsiane Bonnie Tyler ka ndërruar jetë në moshën 75-vjeçare, disa javë pasi iu nënshtrua një ndërhyrjeje urgjente kirurgjikale dhe qëndroi në koma të induktuar.
Lajmi u konfirmua nga familja e saj përmes një deklarate të publikuar në faqen zyrtare të artistes. Sipas njoftimit, Tyler u nda nga jeta në një spital në Portugali pas një sëmundjeje për të cilën po merrte trajtim.
“Familja dhe ekipi i Bonnie janë të shkatërruar për të njoftuar se Bonnie ndërroi jetë papritur mbrëmë në spital në Portugali si pasojë e sëmundjes që po trajtohej. Kërkojmë privatësi për të përballuar këtë tragjedi.”
Këngëtarja, emri i vërtetë i së cilës ishte Gaynor Hopkins, lindi në Mumbles të Uellsit të Jugut dhe u bë e famshme në mbarë botën falë zërit të saj karakteristik, të ngjirur dhe plot emocion.
