Ish-ministrja e Elisa Spiropali i është përgjigjur me ironi kritikave, sulmeve, ose siç ajo i etiketon “monitorimit digjital” dhe “kontroll algoritmik” të kryeministrit Rama.
Përmes një postimi në Facebook, Spiropali u është drejtuar ndjekësve me një thirrje për të mos u ndikuar nga “sulme banale”, “konspiracione halucinante” dhe “gjuhë e shthurur”, duke nënvizuar nevojën për distancim nga narrativa që ajo i konsideron të deformuara.
Në mënyrë ironike, ajo ka sugjeruar leximin e poezisë së poetes ruse Anna Ahmatova, duke sjellë një fragment që flet për forcën përballë kritikave dhe transformimin e tyre në qëndrueshmëri të brendshme.
REAGIMI:
Kur t’ju merren mënd’ e t’ju përzihet nga fletë-rrufetë, sulmet banale, monitorimi digjital e operacional, kontrolli algoritmik, konspiracionet halucinante, gjuha e shthurur, lexoni këtë kryevepër të Anna Ahmatovës, që lindi si sot, më 1889.
Kaq shumë gurë hodhën përmbi mua
Sa sot asnjë prej tyre s’më frigon,
Me ta një kullë e hijshme u ndërtua,
M’e lartë se çdo kullë ajo qëndron.
Ndërtuesit e saj falënderoj,
Paçka se e ndërtuan me nxitim.
Prej saj më shpejt agimin e shijoj
Dhe diellin kqyr me gjatë në perëndim.
Dhe në dritaren time ditë për ditë,
Fryn erë deti, më flladit.
Në dorën time pëllumbi vjen e çukit,
E në mos mund të shkruaj më diçka,
Një ditë të perëndishme krahëlehtë,
Pres të vijë Muza, për ta shkruar vetë.
