Një efektive dhe drejtuesi i Policisë Bashkiake Korçë janë sulmuar nga drejtuesi i një mjeti, për shkak të një gjobe që i është vendosur për parkim të gabuar.
Incidenti ka ndodhur ditën e djeshme, në lagjen nr. 9, ndërsa uniformat blu pas ngjarjes proceduan penalisht 66-vjeçarin e dyshuar, me inicialet S.Z., i cili u denoncua nga të dëmtuarit.
“Specialistët për Hetimin e Krimeve të Komisariatit të Policisë Korçë referuan materialet në Prokurori, ku filloi procedimi penal për shtetasin S. Z., 66 vjeç, banues në Korçë, pasi dje, në lagjen nr. 9, Korçë, ka kundërshtuar punonjësen e Policisë Bashkiake Korçë, shtetasen F. T., 22 vjeçe, banuese në Korçë, dhe i ka dëmtuar bllokun e gjobave, në momentin që ajo po i vendoste masë administrative për parkim të gabuar”.
Gjithashtu, S. Z. ka kundërshtuar me forcë, shtetasin E. K., 36 vjeç, banues në Korçë, me detyrë drejtor i Policisë Bashkiake Korçë, i cili ka ndërhyrë për të neutralizuar situatën”, sqarohet në njoftim.
