Një studim i janarit 2026 nga Departamenti i Shëndetësisë i Floridës nën Iniciativa Healthy Florida First gjeti nivele të larta arseniku në disa karamele dhe çokollata të firmave të njohura, ndër më të preferuarat e amerikanëve e jo vetëm.
Disa nga ëmbëlsirat e preferuara që rezultuan të prekura nga nivele jo normale arseniku, ishin Kit Kat, Snickers, Original Skittles, Swedish Fish, Sour Patch Kids, Tootsie Roll, Twix.
Sipas FDA-së, metali i rëndë mund të gjendet në ushqim për shkak të vendit ku është rritur ose përpunuar.
Ekspozimi afatgjatë ndaj arsenikut mund të shkaktojë disa probleme mjaft serioze shëndetësore, të tilla si lloje të caktuara të kancerit, çrregullime të lëkurës, sëmundje të zemrës dhe efekte neurologjike në fetuset tek gratë shtatzëna, raportojnë mediat e huaja.
Shoqata Kombëtare e Pastiçerive (NCA), megjithatë, i kundërshtoi gjetjet e studimit dhe i quajti përfundimet “të gabuara”.
“Çokollata dhe karamelet janë të sigurta për t’u ngrënë dhe mund të shijohen si ëmbëlsira, siç kanë qenë për shekuj me radhë”, tha NCA në një deklaratë.
Përpara se të hiqni dorë plotësisht nga ëmbëlsirat, ia vlen të shikoni përsëri shifrat nga ky studim i kohëve të fundit dhe sa ëmbëlsira duhet të konsumoni për të lënë gjurmë.
Për shembull, ndërsa nivele të larta arseniku u gjetën në Skittles, një fëmijë do të duhej të hante 48 copë – dhe një i rritur 120 copë – në vit për të tejkaluar pragun e sigurt.
Për Sour Patch Kids, ky numër rritet në 36 copë për një fëmijë dhe 90 për një të rritur (përsëri, në vit). Do të duheshin 96 Nerd për një fëmijë dhe 240 copë të vetme për një të rritur për të arritur limitin/ southernliving.com
