Safet Bajri, vëllai i tij Behar Bajri, dhe Astmer Bilali do të dalin sot para GJKKO.
Në orën 08:30 të tre do ë njihen me masën e sigurisë së lëshuar për vrasjen e Fatbardh Licit, ngjarje kjo e ndodhur në gusht të vitit 2018.
Safet Bajri u arrestua të premten, ndërsa dy të tjerët aktualisht ndodhen në qeli për dosjen “Metamorfoza”.
Sipas SPAK, ka fakte të dokumentuara se Fatbardh Lici është vrarë nga tre të akuzuarit. Ekzekutimi i tij është organizuar pasi Behar Bajri bënte përgjegjës, Ibrahim Licin, nipin e Fatbardhit për vrasjen e ish-policit Boran Bërçana dhe të gruas së tij.
Dy të fundit ishin njohje e ngushtë e Bajrit.
