Një aksident është regjistruar rreth orës 16:30 në aksin rrugor Korçë–Ersekë, në fshatin Kamenicë, ku një automjet ka përplasur një nënë dhe djalin e saj të mitur.
Sipas të dhënave paraprake, një automjet tip “Nissan”, i drejtuar nga shtetasi Sh. V., 76 vjeç, ka goditur këmbësoret, shtetasen Sh. M., rreth 44 vjeçe, dhe djalin e saj rreth 3 vjeç.
Si pasojë e plagëve të marra, i mituri ka ndërruar jetë në spital, ndërsa nëna e tij ndodhet nën kujdesin e mjekëve dhe raportohet jashtë rrezikut për jetën.
Drejtuesi i automjetit është shoqëruar nga shërbimet e Policisë Rrugore në Komisariat, ku po kryhen veprimet procedurale.
Ndërkohë, grupi hetimor ndodhet në vendngjarje dhe po punon për të zbardhur plotësisht rrethanat e aksidentit.
