Kryetari i Partisë Demokratike, Sali Berisha, ka denoncuar djegien e mbeturinave në landfillin e Elbasanit, ku vatrat e zjarrit qëndruan disa ditë aktive.
Gjatë fjalës së tij pas daljes nga SPAK ku ishte paraqitur në zbatim të masës së sigurisë ‘detyrim paraqitje’ të vendosur ndaj tij, Berisha tha se në Elbasan po kryhet një masakër mjedisore.
Berisha shtoi gjithashtu se PD ka bërë disa denoncime për situatën në inceneratorin e Elbasanit, por sipas tij, SPAK është institucioni i amnistisë së krimeve të rënda mjedisore.
Pjesë nga fjala e Berishës:
Opozita shqiptare e ka denoncuar, siç e di ti, nëpërmjet eksponentëve ose drejtuesve më kryesorë të Elbasanit.
Ka denoncuar në mënyrë të përsëritur në konferencë shtypi dhe media, z. Blendi Himçi, deputet i zgjedhur i Elbasanit.
Z. Tomor Alizoti pas kthimit, se ka qenë jashtë, si kryetar politik.
Në qoftë se, dikush organizon një protestë dhe ftohesh, duhet të shkosh.
I paftuar, nuk duhet t’u marrësh protestën të tjerëve. Ka rregulla.
Kur nuk je ftuar, mirë nuk është të shkosh, duhet t’ia lësh meritën atij që e ftoi dhe do ta bëjë vetë.
Vetë PD ka bërë tek institucion me dhjetëra e dhjetëra denoncime dhe ka denoncuar disa herë djegësin e Elbasanit, por këtu, ky institucion është institucioni i amnistisë së krimeve të rënda mjedisore.
Të vetmen gjë që nuk mund të themi është se, PD nuk ka bërë padira.
PD ka bërë kaq shumë padira!
