Sot në botë ka mbi dy miliardë muslimanë, që përbëjnë afërsisht një të katërtën e popullsisë globale. Shumica dërrmuese, 87%-90%, janë myslimanë sunitë, ndërsa pjesa e mbetur prej 10%-13% janë myslimanë shiitë. Këto totale mund të ndahen më tej në sekte të vogla heterodokse, duke përfshirë ismailitë, alavitët dhe druzët. Një nga sektet më të vogla janë Bektashinjtë, një rend ezoterik sufi që përgjithësisht konsiderohet të jetë nën ombrellën shiite.
Bektashinjtë përbëjnë një përqindje të vogël të popullsisë myslimane; vlerësimet e numrit të përgjithshëm të bektashinjve variojnë shumë nga 7 milionë në 20 milionë.
Pavarësisht numrit të tyre të vogël, bektashinjtë do të formojnë vendin më të ri në botë – një mikroshtet islamik i parë në llojin e tij në Tiranë, shkruan ‘Washington Examiner’.
Artikulli i referohet idesë së kryeminsitrti Edi Rama i cili kërkon krijimin e një Shteti Bektashi që sipas tij do të jetë i ngjashëm me Vatikanin.
Nuk është çudi, pra, që mbështetësi më i madh për t’u dhënë atyre vendin e tyre është kryeministri shqiptar Edi Rama, një katolik i skaduar, vijon artikulli.
‘Washington Examiner’ e sheh këtë lëvizje të Ramës si një përpjekje për të kundërshtuar imazhin e tij të dobët ndërkombëtarisht.
“Shqipëria mund të jetë një vend i vogël, por i ka dhënë botës shembuj të mirë. E kemi treguar me hebrenjtë, me afganët, i kemi dhënë botës shenjtoren më të re, Nënë Terezën, jeta e së cilës mishëroi dashurinë për njerëzimin, na kujtoi se jo të gjithë mund të bëjmë gjëra të mëdha, por mund të bëjmë gjëra të vogla me dashuri të madhe. Ky është parimi që Shqipëria kërkon të transformojë i Qendrës së Rendit Botëror Bektashi, në një shtet sovran brenda Tiranës, si një qendër e re bashkimi dhe tolerance paqësore”, tha Rama kur shpalli idenë e krijimit të Shtetit Bektashi.
