Detaje të reja kanë dalë nga varja e 24-vjeçares nga Palestina, Ryyan Alwan, në një banesë në Tiranë.
Viktima dhe bashkëshorti i saj 49-vjeçar, Fadi Alwan, jetonin në Gjermani dhe kanë fluturuar drejt Shqipërisë, ku kanë mbërritur në aeroportin e Rinasit më 19 shkurt. Ata janë prezantuar me dokumente greke dhe më pas me një taksi, janë nisur drejt Rrugës së Kavajës ku kanë marrë një apartament me qira.
Sipas pronarëve të banesës, çifti nuk iu ka dhënë dokumente identifikimi në momentin e prenotimit.
Nga kqyrja e kamerave të sigurisë vihet re se bashkëshorti i viktimës është larguar nga banesa 22 shkurt dhe po atë mbrëmje është nisur drejt Greqisë nga Rinasi.
Dyshohet se ngjarja ka ndodhur më 22 shkurt pra 6 ditë më parë. 49-vjeçari palestinez dyshohet se fillimisht e ka dhunuar, e ka vrarë me thikë dhe e ka mbuluar me një çarçaf dhe më pas ka marrë të gjithë mjetet e identifikimit, telefonin dhe çdo send personal të 24-vjeçares dhe është larguar në drejtim të Greqisë.
