Pas votimeve në Kuvendin Kombëtar të Partisë Demokratike të datës 30 Maj 2026 dhe përpunimit të tabelave të numërimit të 13 Komisioneve të Numërimit, PD ka shpallur listën e emrave fitues për anëtarë të Këshillit Kombëtar të Partisë Demokratike.
Në njoftimin zyrtar, PD thekson se përfaqësimi i të rinjve në listën fituese ka arritur në 30%, duke tejkaluar minimumin statutor prej 15%, ndërsa është respektuar edhe kuota për gratë dhe vajzat.
Partia Demokratike e cilësoi këtë rezultat si pjesë të procesit të ripërtëritjes dhe hapjes së saj.
Sipas statutit, listës fituese do t’i shtohen më vonë edhe përfaqësuesit e diasporës, që përbëjnë 15% të anëtarëve të Këshillit Kombëtar.
