Reparti i Pediatrisë në Spitalin Rajonal të Beratit po përballet me një fluks të lartë fëmijësh të prekur nga virozat, veçanërisht problemet gastrointestinale.
Sipas shefit të Pediatrisë, mjekut Vladimir Kumaraku, moshat më të prekura janë fëmijët 1–11 vjeç.
Simptomat kryesore janë temperaturë e lartë, lodhje, dobësi, të vjella dhe diarre.
Në repart kryhen mesatarisht 40 vizita në ditë, ndërsa rreth 1/3 e fëmijëve kanë nevojë për hospitalizim.
Mjeku vëren gjithashtu një rritje të rasteve mes turistëve, të huajve dhe emigrantëve, të cilët janë ekspozuar ndaj temperaturave të larta, veçanërisht gjatë orëve të mesditës.
