Edhe një herë tjetër, për të disatën që nga nisja në muajin gusht, Kategoria Superiore luhet në ditë mesjave, në një orar aspak të favorshëm për tifozët, që të ndjekin sfidën në stadium, por edhe nga televizioni.
Egnatia-Partizani u luajt dje në orën 13:30, kur të gjithë, përfshirë edhe nxënësit apo studentët, ishin të angazhuar me aktivitetet dhe punët e tyre. Nisur nga axhenda e tyre, vetëm pensionistët ishin të gatshëm dje për të ndjekur këtë ndeshje.
Nëse i bëjmë një kontroll kampionateve që kanë luajtur dje, rezultojnë të jenë vetëm liga e grupmoshës U-21 në Algjeri dhe disa liga të dyta nëpër vende të tjera. Po ditën e djeshme u luajtën edhe 4 sfidat e tjera të javës së 13-të.
