Këto pamje vijnë nga operacioni i madh “Ura” kundër trafikut ndërkombëtar të drogës, pastrimit të parave dhe shpërdorimit të detyrës.
Siç raporton media italiane RAI, është planifikuar ekzekutimi i urdhrave të sekuestrimit të pasurive të luajtshme dhe të paluajtshme në Shqipëri dhe Itali, me një vlerë prej disa milionë eurosh, të lëshuar nga GIP i Barit dhe nga gjyqtari në Gjykatën e Posaçme të Shkallës së Parë Antikorrupsion dhe Krimit të Organizuar të Tiranës kundër 52 personave të hetuar për arsye të ndryshme.
Operacioni kryhet nga Drejtoria e Hetimit Antimafia e Barit dhe Autoritetet Shqiptare, me ndihmën e Interpolit, Zyrës së Ekspertëve të Sigurisë së Tiranës dhe Policisë Shqiptare, me urdhër të Drejtorisë së Qarkut Antimafia të Barit dhe Prokurorisë së Posaçme Antikorrupsion dhe Krimit të Organizuar të Tiranës, me koordinimin e Eurojust (Hagë) dhe Drejtorisë Kombëtare Antimafia dhe Antiterrorizëm të Romës.
Aktiviteti hetimor është pjesë e projektit hetimor të DDA të Barit dhe SPAK të Tiranës që synon luftimin e trafikut të pandërprerë ndërkombëtar të kokainës dhe heroinës, të menaxhuar nga organizatat kriminale shqiptare, të cilat lëvizin sasi të mëdha droge midis Ballkanit, Evropës Veriore dhe Puglias.
