Ervin Hoxha ka vetëm një muaj që ka ardhur në krye të Inspektoriati të Mbrojtjes së Territorit në Tiranës dhe menjëherë nisi nga kërkesa abuzive. Ai kërkon që zyrës t’i ndryshohet arredimin dhe të mobilohet sipas dëshirës së tij. Sigurisht këto kërkesa ja plotëson babagjyshi ‘Lali Eri”. Për këtë Bashkia Tiranë më datë 6 dhjetor ka firmosur tenderin me numër reference REF-81816-09-29-2023 dhe objekt “Blerje mobile zyre për Inspektoratin e Mbrojtjes së Territorit, Bashkia Tiranë”.
Sipas dokumenteve standarde përmes këtij tenderi parashikohet të blihen 20 tavolina, 20 komodina dhe nja 8 rafte për librat, këto të fundit me siguri do të jenë për bibliotekën e drejtorit.
Dhe për këto mobilie Bashkia Tiranë do të shpenzoje 23 milionë lekë.
Sigurisht ato mund të kushtojnë edhe më lirë, sepse ka hapsirë për luhatje çmimi, por Veliaj ka qejf të abuzojë, të përfitojë ndonjë gjë vetë. Prandaj edhe këtë tender për komodina e ka zhvilluar në rrugë jo të rregullt.
Gara për tenderin është hapur që më 2 tetor dhe prandaj procedurat kanë zgjatur kaq shumë për shkak të skemave që thuren me biznesmenët. 6 oferta janë paraqitur për këtë tender dhe fillimisht janë kualifikuar si ofertë të vlefshme ato të ofruar nga firmat KLAME” shpk dhe “ARDENO” SHPK edhe pse ishin të më shtrenjtat.
Gjithsesi kjo skemë e parë nuk eci.
Pasi firma RO-AL” SHPK bëri një denoncim ku ankohej se nuk është bërë vlerësimi i drejtë i ofertave dhe kërkonte rikthim të procedurës. Këtë kërkesë të saj e mbështeti dhe Komisioni i Prokurimeve Publike, i cili më datë 14 nëntor vendi që tenderi të anulohet dhe Bashkia Tiranë të bëjë rivlerësimin e ofertave dhe rishikim e kritereve.
Por, Veliaj nuk ka zbatuar këtë rekomandim, i ka rënë shkurt fare!
Më datë 6 dhjetor ka shpallur fituese firmën RO-AL” SHPK pa garë fare, duke shtuar edhe më shumë gamën e abuzimit në këtë prokurim. Edhe para kësaj firme ishin dy oferta më të lira, por duke qenë se ato nuk bënë zë dhe askush tjetër nuk i kërkoi llogari Veliaj vazhdoi me planin e tij.
Është Open Data që i ka vënë flamurin e kuq, ku jep alarmin se si po vidhen taksat e shqiptarëve për të arreduar zyrën e Hoxhës. Një muaj më parë ai zuri vendin e Agim Ismaili i cili u shkarkuar nga IMT vetëm 8 muaj pasi kishte marrë detyrën.
Epo sikur bëhen skema të tilla për emërim njësoj bëhen edhe për tenderime, të gjitha këto paguhen me xhepat e popullit.
