Ish-zv.drejtori i AKSHI-t, Daniel Shima u mor në pyetje lidhur me zhdukjen e tij 10 orëshe të tij.
Gjatë marrjes në pyetje në polici, Shima mësohet të ketë thënë se ishte larguar me dëshirë dhe se mesazhi që do ta arrestonin nuk ishte i vërtetë. Shimës i është sekuestruar edhe telefoni.
Ish-zv.drejtori deklaroi se kishte pasur një konflikt me partneren dhe ishte larguar drejt Jugut për disa orë. Por, nga kamerat e sigurisë të sekuestruara nga policia rezulton se Shima ka udhëtuar drejt tunelit të aksit Tiranë-Elbasan.
