Ditën e djeshme është publikuar në disa media një video ku shfaqet Olsi Rama, vëllai i kryeministrit Edi Rama, dhe deputeti i PD-së për Qarkun e Durrësit, Arian Ndoja.
Video pretendohet se është filmuar para zgjedhjeve parlamentare të 11 Majit, në banesën e Xhevdet Troplinit, i njohur me nofkën “Poja”, me bazë në qytetin e Durrësit.
Arjan Ndoja ka reaguar në rrjete sociale dhe sqaron se lajmi është i pavërtetë dhe shton më tej se dreka është organizuar rreth katër vite më parë, me datën: 16.11.2021, nga shtetasit Bilbil dhe Hajredin Kastrati, në fshatin Bushtricë të Kukësit.
Ndoja thekson se ka qenë i ftuar dhe jo organizatori, ndaj dhe nuk ka patur arsye qe të braktisë drekën e organizuar nga personat e lartpërmendur.
Reagimi i plotë:
Te nderuar ndjekes dhe miq! Marr shkas nga publikimi i nje lajmi dhe nje video sot, ne portalin “alfapress” ku shfaqem une dhe shtetasi Olsi Rama, se bashku me persona te tjere duke drekuar.
Ne lidhje me sa me siper, ju bej me dije sa me poshte: Dreka eshte organizuar rreth kater vite me pare, me daten: 16.11.2021, nga shtetasit Bilbil dhe Hajredin Kastrati. Dreka eshte bere ne fshatin Bushtrice te Kukesit.
Une kam qene i ftuar dhe jo organizatori, por nuk kam pas arsye qe te braktisja dreken e organizuar nga personat e lartepermendur, dhe as te mbaja qendrim ndaj askujt perderisa isha i ftuar. Ky qendrim eshte pjese e edukates time familjare dhe prejardhjes dhe nje zakon i mire i shqiptareve qe i ruajne akoma si vlera, mikepritjen dhe nderin.
Prezent kane qene keta persona : Bilbil Kastrati, Hajredin Kastrati, Luftar Kastrati, Dashamir Guza, Azem Celmani, Adnan Suknikaj, Luan Zeka, Ahmet Cani, Mondi Voga, Lumir Soja, Ardit Toska, Bledar Kakuli, Perparim Bulica, Astrit Ternova, Nardi Xhamaxhi, Astrit Matmuja, Ardit Raines, tre rapsode te Kukesit dhe Olsi Rama.
Personi qe ne video eshte vendos me rreth si shtetasi Ervis Doci, eshte Ardit Raines. Me respekt Arian Ndoja!
