Getinjo u bë kryefjalë e mediave rozë për deklaratat e ish partneres së tij në lidhje ma faktin se ishte i varur nga lojrat e fatit .
Reperi kosovar nuk e mohoi si varësi, por u shpreh se nuk i ka shkaktuar asnjë dëm askujt për këtë fakt. E teksa ende diskutohet për problemet e tij financiare, në kohën kur të vëllait iu vodhën një shumë e konsiderushme parash, Getinjo bëri lëvizjen e papritur.
Ai ka postuar një foto në Instagram, ku ka lënë të kuptohet se ka blerë një makinë të tipit “Rolls Royce”, vlera e së cilës shkon në qindra mijëra euro.
Edhe tek mjeti i ri Getinjo ka dashur të tregojë se është patriot, pasi makina është në ngjyrë të kuqe dhe të zezë.
Epo ç’na mbetet për të thënë, veçse i ka lënë të gjithë pa fjalë me këtë veprim.
