Eros Grezda, u cilësua si një nga lëvizjet e bujshme të verës, teksa u transferua në Kategorinë Superiore duke firmosur për Partizanin.
Por palët nuk zgjatën as gjashtë muaj bashkëpunimin, duke nderprerë parakohe kontratën, pasi futbollisti nuk arriti dot që të përmbushte pritshmëritë, teksa niveli i treguar në fushën e blertë linte për të dëshiruar, si dhe u shoqërua dhe me dëmtime të vazhdueshme.
Por Grezda është gati për një tjetër aventurë pas Partizanit. Sipas Sport Ekspres, sulmuesi pritet që t’i bashkohet Rudes, ekipit që ndodhet me 4 pikë në vendin e fundit të elitës së Kroacisë.
“Toka” kroate është ajo që e bëri të njohur Grezdën si futbollist, duke u aktivizuar me ekipe si Lokomotiva Zagre dhe Osijek. Teksa ka luajtur dhe për ekipet: Glasgoë Renxhers, Sibenik, Manisa dhe Zalaegerszeg.
