Autoritetet italiane kanë arrestuar një shqiptar, i cili u kap me 45 kilogramë kokainë. Gjatë kontrollit në automjetin e tij, policia gjeti dhe sekuestroi dyzet blloqe kokaine me peshë 1 kg secila.
Mediat italiane shkruajnë se pakot e kokainës ishin të gjitha me të njëjtën logo marke të njohur të bizhuterive dhe sendeve me vlerë “T&CO”, të mbështjella me celofan. Ndërsa gjatë kontrollit në banesën e tij, u gjet dhe sekuestrua një makinë e regjistruar në emër të tij, një kilogramë kokainë dhe 10 mijë euro cash.
“Ky është sekuestrimi i dytë i bërë nga policia e trafikut përgjatë autostradës vetëm në pak javë: në fund të marsit, një tjetër operacion i zbatimit të ligjit rezultoi në sekuestrimin e 2 kilogramëve kokainë pas një ndjekjeje të tensionuar që zgjati mbi 30 kilometra”, informon media italiane.
Që në momentet e para të ndalimit, shqiptari shfaqi sjellje nervoze, duke u dhënë oficerëve shpjegime të paqarta dhe jo bindëse për arsyen e udhëtimit. Ai u arrestua nën akuzën e trafikimit të lëndëve narkotike, ndërsa pritet të përballet me drejtësinë italaine.
