Një ngjarje e rëndë u zbulua pasditen e sotme në Korçë, ku në një banesë në lagjen nr.17 u gjetën pa shenja jete nënë e bijë, Eleni Vangjeli, 75-vjeçe dhe vajza e saj Ornela Vangjeli, 54-vjeçe.
Nga raportimet mësohet se nënë e bijë mund të kenë vdekur 4 ditë më parë, ndërsa sot pas alarmit të dhënë nga familjarët, forcat zjarrfikëse kanë ndërhyrë në banesë, atje ku gjetën edhe dy trupat e pajetë.
Vajza dyshohet se mund mund të ketë pësuar atak kardiak, ndërsa nëna e cila ishte e paralizuar, ka vdekur pas saj, ndoshta në pamundësi për të lëvizur, dhe për shkak të mungesës së ilaçeve në banesë.
Vajza ishte me profesion mësuese në Vithkuq, ndërsa vëllai i saj, djali i 75-vjeçares, ishte emigrant në Greqi. Sipas raportimeve ka qenë ky i fundit që ka ngritur alarmin, pasi si e motra ashtu edhe nëna nuk i përgjigjej në telefon.
Mësohet se ai ishte i pranishëm sot në momentin që forcat zjarrfikëse kanë ndërhyrë në banesë.
