Presidenti i SHBA-së, Donald Trump mbështeti operacionet e zbatimit të ligjit për emigracionin në një intervistë për CBS News, pas kritikave për bastisjet që synonin emigrantët.
I pyetur nëse disa bastisje kishin shkuar shumë larg, Trump u përgjigj: “Jo. Mendoj se nuk kanë shkuar mjaftueshëm larg”.
Pamjet e bastisjeve kanë qarkulluar në internet për javë të tëra, duke shkaktuar zemërim publik.
Presidenti Trump tha sa kishte miratuar taktika të tilla, pasi shumë njerëz në shënjestër ishin vrasës.
Operacionet e Zbatimit të Ligjit për Emigracionin dhe Doganat (ICE) janë pjesë e politikës më të rreptë të emigracionit të administratës Trump, e përqendruar në atë që ajo i quan të huaj kriminelë dhe emigrantë që banojnë në Shtetet e Bashkuara të Amerikës pa dokumentacion ligjor.
Kritikët akuzojnë administratën për zbatim arbitrar. Bastisjet e ICE në qytete të shumta, ndonjëherë të kryera nga oficerë të maskuar, kanë shkaktuar zemërim.
Administrata është kundërpërgjigjur, duke thënë se kritikët po krijojnë armiqësi ndaj agjencisë dhe po provokojnë sulme ndaj personelit të zbatimit të ligjit.
