Një ndërhyrje e shpejtë e Shërbimit Zjarrfikës të Gramshit ka parandaluar një tragjedi në lumin Devoll, ku një traktor mbeti i bllokuar në ujë në zonën e quajtur “Bishti i Nartës”.
Sipas njoftimit të autoriteteve, mëngjesin e sotëm ekipet zjarrfikëse morën informacion për mjetin e bllokuar në lumë.
Një i moshuar, nipi i tij dhe drejtuesi i traktorit kishin mbetur të bllokuar por u shpëtuan në kohë.
Mësohet se mjeti bujqësor ishte zhytur në ujë deri në nivelin e kabinës, duke rrezikuar jetën e personave që ndodheshin në të.
