Tre nga pesë punëtorët që humbën jetën në një kantier ndërtimi në Hamburg janë shqiptarë, njoftojnë mediat vendase.
Sipas informacioneve, skela u shemb mëngjesin e së hënës, rreth orës 9:10. Specialistët e Zyrës Shtetërore të Hetimit Penal nisën hetimet fillestare në vend.
Dyshimet e para janë se skela mund të jetë shembur për shkak të mbingarkesës.
Siç raportohet aksidenti ka ndodhur në kantierin e madh të ndërtimit të Westfield Hamburg-Überseequartier.
Fillimisht u raportua se viktimat ishin shtetas bullgarë, por pas verifikimeve ka rezultuar se 3 prej tyre ishin shqiptarë.
Detajet personale të dy viktimave të tjera janë ende në pritje. Por nuk ka asnjë dëshmi se ata janë bullgarë. Policia kundërshtoi informacionin e autoritetit të zhvillimit urban, i cili njoftoi të hënën se ata ishin bullgarë.
