Kryetari i Partisë Demokratike, Sali Berisha, ka shpërndarë në Facebook një mesazh të një qytetari, ku jepen detaje mbi kërcënimet e drejtuara ndaj gazetarit Edon Kuqi, i cili po raportonte për largimin nga puna të disa punonjësve në kompaninë Air Albania, të cilave nuk u ishin paguar sigurimet shoqërore.
Në një postim në facebook që Berisha thekson se “Mired Reçi, është kushëriri i parë i Belinda Ballukut, zëvendëskryeministres, e cila u riemërua në detyrë disa ditë më parë nga kryeministri Edi Rama në Asamblenë e Partisë Socialiste
Gjithashtu në mesazhin e publikuar nga Berisha bëhet me dije se gjatë përballjes me gazetarin, rojet e aksionerëve të Air Albania, përfshirë Sinan Idrizin, i kanë drejtuar kërcënime serioze, duke përfshirë edhe ato për pengmarrje dhe dhunë fizike.
Postimi:
Akt banditesk ndaj gazetarit. Mired Reçi kushëriri i parë, tezaku i Lubi Ballukut, kërcënon me pengmarrje gazetarin.
Përshëndetje dr Gazetari ka shkuar për ti drejtuar pyetje Refik Halilit dhe Sinan Idrizit, aksionerin kryesor të kompanisë Air Albania. Sinan Idrizi u përball me mikrofonin e gazetarit Edon Kuqi i cili e pyeti mbi largimin nga puna të dy sanitareve të kompanisë, të cilave nuk u ishin paguar as sigurimet shoqërore. Kaq mjaftoi që drejt gazetarit të suleshin rojet e biznesmenëve të cilët nuk i kursyen as kërcënimet mafioze “të marr peng, të fus në bagazh”. Dënoj me forcën më të madhe dhunën publike mafioze ndaj gazetarit Edon Kuqi dhe heshtjen kriminale të narko-institucioneve ndaj saj.
