Autoritetet në Meksikë kanë raportuar se numri i të vdekurve nga stuhitë e forta që goditën vendin, ka arritur në 66 që nga e mërkura, ndërsa rajonet e prekura mbeten në gjendje të jashtëzakonshme.
Pesë shtete në të gjithë Meksikën qendrore dhe në vijën bregdetare lindore vazhdojnë të preken rëndë nga shirat dhe përmbytjet intensive. Zyrtarët kanë raportuar gjithashtu 75 persona të zhdukur nuk janë gjendur akoma.
Shteti i Veracruz në Bregun e Gjirit ishte ndër më të prekurit nga shirat e rrëmbyeshëm dhe përmbytjet. Autoritetet shtetërore kanë raportuar 30 vdekje dhe 18 persona ende të zhdukur.
Shteti Hidalgo në Meksikën qendrore ka regjistruar numrin e dytë më të lartë të viktimave me 21 të vdekur dhe 50 të zhdukur. Puebla ka raportuar 14 të vdekur dhe shtatë të zhdukur, ndërsa autoritetet në Queretaro kanë konfirmuar një viktimë.
Shteti i San Luis Potosit nuk raportoi vdekje ose persona të zhdukur, megjithëse janë dokumentuar dëme të konsiderueshme në infrastrukturë dhe shtëpi.
Qeveria federale ka vendosur personel ushtarak për të ndihmuar komunitetet e prekura dhe janë ngritur strehimore emergjente në zonat më të goditura. Sipas Marinës, të paktën 3,701 persona janë evakuuar.
Agjencitë qeveritare dhe organizatat civile vazhdojnë përpjekjet për të ofruar ndihmë humanitare për të prekurit, përfshirë 19 komunitete të izoluara që mbeten të izoluara.
