Një aksident rrugor është regjistruar pasditen e kësaj të shtune në Maliq, në afërsi të fshatit Rrëmbec.
Një 38 vjeçar, me iniciale K.D, duke drejtuar automjetin tip “Skoda”, dyshohet se ka humbur kontrollin dhe ka dalë nga rruga.
Si pasojë kanë mbetur të plagosur dy pasagjerë në mjet, shtetasi V. D., 36 vjeç, dhe një fëmijë 11-vjeçar.
Sipas policisë, dy të plagosurit, të dy banues në Tiranë, janë dërguar në spital për ndihmë mjekësore dhe ndodhen nën kujdesin e mjekëve.
Shkak për aksidetin dyshohet të jetë bërë një manovër e gabuar nga ana e shoferit. Policia ka nisur hetimet lidhur me rastin.
