Wednesday, November 18, 2026
  • Login
Maska.al
Advertisement
  • Kryesore
  • AKTUALITET
  • POLITIKE
  • Ekonomi
  • BOTË
  • Rajoni
  • SOCIALE
  • OP-ED
  • SHOWBIZ
  • Sport
  • Kendi i Avokatit
No Result
View All Result
  • Kryesore
  • AKTUALITET
  • POLITIKE
  • Ekonomi
  • BOTË
  • Rajoni
  • SOCIALE
  • OP-ED
  • SHOWBIZ
  • Sport
  • Kendi i Avokatit
No Result
View All Result
Maska.al
No Result
View All Result
Home AKTUALITET

SKANDALI/ Shesin miell për bukë, 68% e bizneseve të drithërave jashtë kontrollit të AKU-së, 38 subjekte nuk u inspektuan asnjëherë

Redaktor Redaktor by Redaktor Redaktor
in AKTUALITET, KRONIKE, KRYESORE, POLITIKE
0
SKANDALI/ Shesin miell për bukë, 68% e bizneseve të drithërave jashtë kontrollit të AKU-së, 38 subjekte nuk u inspektuan asnjëherë
0
SHARES
Share on FacebookShare on Twitter

Nga 56 operatorë të licencuar në sektorin e drithërave dhe miellit, vetëm 18 janë inspektuar gjatë periudhës 2020–2025, ndërsa 38 subjekte, ose rreth 68%, nuk janë kontrolluar asnjëherë. Edhe te subjektet që janë inspektuar, kontrollet kanë qenë të përqendruara kryesisht te bizneset me risk të ulët dhe të mesëm. Vetëm një subjekt rezulton të jetë klasifikuar me risk të lartë.

SKANDALI/ Shesin miell për bukë, 68% e bizneseve të drithërave jashtë kontrollit të AKU-së, 38 subjekte nuk u inspektuan asnjëherë
SKANDALI/ Shesin miell për bukë, 68% e bizneseve të drithërave jashtë kontrollit të AKU-së, 38 subjekte nuk u inspektuan asnjëherë

Kontrolli i Lartë i Shtetit evidenton mangësi në mbikëqyrjen e operatorëve të biznesit ushqimor që ushtrojnë aktivitet në sektorin e drithërave dhe miellit, duke ngritur shqetësime për efektivitetin e kontrolleve zyrtare të kryera nga Autoriteti Kombëtar i Ushqimit (AKU).

Sipas të dhënave të vëna në dispozicion nga AKU për periudhën 2020–2025, në këtë sektor janë inspektuar gjithsej rreth 112 biznese. Megjithatë, situata paraqitet më problematike kur analizohen operatorët e licencuar.

Nga 56 operatorë të biznesit ushqimor të licencuar në fushën e drithërave dhe miellit, vetëm 18 prej tyre rezultojnë të jenë inspektuar gjatë periudhës së auditimit. Kjo do të thotë se vetëm 32% e subjekteve të licencuara janë mbuluar me kontrolle, ndërsa 38 biznese, ose rreth 68%, nuk janë inspektuar asnjëherë.

Kjo përbën një boshllëk të konsiderueshëm në sistemin e mbikëqyrjes, veçanërisht duke pasur parasysh se bëhet fjalë për operatorë që merren me grumbullimin, magazinimin, përpunimin dhe tregtimin e drithërave dhe miellit. Një pjesë e këtyre subjekteve kanë kapacitete të mëdha për përpunimin dhe shpërndarjen e produkteve, çka do të thotë se çdo problematikë e pakonstatuar mund të prekë sasi të konsiderueshme ushqimore dhe një numër të madh konsumatorësh.

Kontrollet e përqendruara te subjektet me risk të ulët dhe të mesëm

Një tjetër problematikë e evidentuar nga KLSH lidhet me mënyrën se si janë shpërndarë inspektimet sipas nivelit të riskut të subjekteve.

Nga 18 operatorët e licencuar që janë inspektuar, 17 prej tyre rezultojnë të kenë qenë me risk të ulët dhe të mesëm, ndërsa vetëm një subjekt është klasifikuar me risk të lartë, pas riklasifikimit të nivelit të riskut në vitin 2023.

Pra, vetëm 5.6% e subjekteve të licencuara të inspektuara kanë qenë të kategorisë me risk të lartë, ndërsa pjesa dërrmuese, rreth 94.4%, i përkasin kategorive me risk të ulët dhe të mesëm.

Kjo shpërndarje ngre pikëpyetje mbi faktin nëse inspektimet e AKU-së janë orientuar realisht drejt operatorëve me prioritet më të lartë risku, aty ku edhe nevoja për mbikëqyrje duhet të jetë më e madhe.

Atlas Mills kryeson listën me 14 inspektime, disa subjekte vetëm me një ose dy kontrolle

Të dhënat e paraqitura në grafikun e auditimit, që pasqyron numrin total të inspektimeve për subjektet e drithërave gjatë periudhës 2020–2025, tregojnë diferenca të dukshme në numrin e kontrolleve të kryera.

Atlas Mills rezulton të jetë subjekti me numrin më të lartë të inspektimeve, me gjithsej 14 kontrolle. Pas tij renditen 4 Vëllezërit Nela, Italy Agrofood dhe Miell Tirana, me nga 7 inspektime secili.

Ndërsa subjektet Intek dhe Bloja kanë nga 6 inspektime, Dieta dhe Skraqi nga 5 kontrolle.

Në pjesën tjetër të renditjes, disa operatorë kanë nga 4 inspektime, ndërsa Ndreca SH Kompani rezulton me 3 kontrolle, Altamura me 2 dhe Agro Blend me vetëm një inspektim gjatë gjithë periudhës së paraqitur.

Në total, 17 subjektet e pasqyruara në grafik përfaqësojnë 87 inspektime, sipas shumës së vlerave të publikuara.

Këto të dhëna tregojnë se numri i kontrolleve ndryshon ndjeshëm nga një subjekt te tjetri. Megjithatë, numri i inspektimeve, i marrë më vete, nuk provon nëse një subjekt është kontrolluar mjaftueshëm apo jo, pasi kjo duhet vlerësuar edhe në raport me nivelin e riskut, aktivitetin dhe kapacitetet e tij.

Në përfundim, gjetjet e KLSH-së evidentojnë një dobësi të rëndësishme në mbulimin me inspektim të operatorëve të licencuar në sektorin e drithërave dhe miellit. Fakti që rreth 68% e tyre nuk janë kontrolluar asnjëherë, ndërsa vetëm një subjekt i inspektuar rezulton me risk të lartë, ngre shqetësime mbi efektivitetin e sistemit të kontrollit zyrtar dhe garancitë që ofrohen për sigurinë ushqimore në vend.

Previous Post

Shqiptarët rritën të ardhurat në 2025-n, por u bënë më të varfër

Next Post

Alarm për përmbytje në veri të vendit, qarqet më të rrezikuara

Next Post
Alarm për përmbytje në veri të vendit, qarqet më të rrezikuara

Alarm për përmbytje në veri të vendit, qarqet më të rrezikuara

Ernest Muçi shkëlqen me fanellën kuqezi
KRYESORE

Ernest Muçi shkëlqen me fanellën kuqezi

by Pali
November 12, 2026
0

Kombëtarja ka marrë një fitore të rëndësishme ndaj Finlandës, duke hedhur një tjetër hap të madh drejt objektivit në Ligën...

Read moreDetails
Rikthehet Androkli Kokthi në Drejtorinë e Përgjithshme të Tatimeve

Rikthehet Androkli Kokthi në Drejtorinë e Përgjithshme të Tatimeve

November 17, 2026
Shkarkohet Ilir Topi/ Ish-drejtuesja e CFO Pharma, Rexhina Bici pritet të drejtojë Fondin e Sigurimeve

Shkarkohet Ilir Topi/ Ish-drejtuesja e CFO Pharma, Rexhina Bici pritet të drejtojë Fondin e Sigurimeve

September 24, 2026
Rrëfehet për herë të parë Jonida Maliqi: Djali im ishte ndryshe nga fëmijët e tjerë! Doja t’i jepja fund jetës

Rrëfehet për herë të parë Jonida Maliqi: Djali im ishte ndryshe nga fëmijët e tjerë! Doja t’i jepja fund jetës

February 27, 2026
Përfundon në gjyq juristi i ASHK-së Andi Bajrami: Bëri përshesh mbi 3200 m² në Selitë dhe favorizoi “Al Development sh.p.k”

Përfundon në gjyq juristi i ASHK-së Andi Bajrami: Bëri përshesh mbi 3200 m² në Selitë dhe favorizoi “Al Development sh.p.k”

November 15, 2026
Facebook TikTok
Maska.al

Maska.al

Tel: 0696118290
Email: [email protected]

Shfletoni sipas Kategorisë

Lajmet e fundit

Studentët e Masterit mbeten pa bursa, premtime ka por fonde jo

Studentët e Masterit mbeten pa bursa, premtime ka por fonde jo

November 18, 2026
Prokuroria e Posaçme Antikorrupsion kërkon konfiskimin e 9.1 mln euro pasuri!

Prokuroria e Posaçme Antikorrupsion kërkon konfiskimin e 9.1 mln euro pasuri!

November 18, 2026

© 2023 Maska.al

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
No Result
View All Result
  • Kryesore
  • AKTUALITET
  • POLITIKE
  • Ekonomi
  • BOTË
  • Rajoni
  • SOCIALE
  • OP-ED
  • SHOWBIZ
  • Sport
  • Kendi i Avokatit

© 2023 Maska.al