Një ngjarje e abuzimit seksual të një 16 vjeçare, ku të përfshirë ishin dhe efektivë të policisë së Përmetit është zbuluar sot.
Një punonës policie me detyrë Oficer i Patrullës së Përgjithshme në Komisariatin e Policisë Përmet akuzohet se ka ngacmuar seksualisht vajzën e gruas së tij të mitur.
Ndërsa kjo e fundit në moshën 16 vjeçare u përdor nga dy persona si ‘mjet’ për të futur në kurth një tjetër polic – me detyrë Oficer i Patrullës së Përgjithshme në Komisariatin e Policisë Tepelenë – për të kryer video intime dhe për ta shantazhuar se do i publikonin videon në media nëse nuk jepte 12 mijë euro.
Shantazhi
Sipas prokurorisë dy persona, Isi Pasho, 26 vjeç dhe K.P, alias E.P 46 vjeç në bashkëpunim me njrëi tjetrin kanë ushtruar presin ndaj 16 vjeçares duke e kërcënuar dhe detyruar të zhvillonte një video regjistrim në muajin Gusht 2025, me shtetasin A.A. punonjës policie, ku shfaqej ky shtetas në momente intime.
Më pas këta dy shtetas në vijim, duke përdorur dhe shtetasen e mitur, kanë kanosur punonjësin e policisë, për publikimin e videos në një emision investigativ dhe i kanë kërkuar këtij shtetasi një shumë prej 12 000 Euro për mospublikimin e videos.
Gjatë kryerjes së veprimeve hetimore është konstatuar se e mitura prej disa vitesh ishte ngacmuar seksualisht nga njerku i saj edhe ai polic patrulle i komisariatit të Përmetit.
“Gjithashtu nga veprimet hetimore dyshohet se punonjësi i policisë P.B., (njerku i shtetases së mitur) prej disa vitesh ka pasur lidhje intime’ informoi sot AMP.
Të arrestuar
P.B, 53 vjeç punonjës polici, njerku i 16 vjeçares I akuzuar për “Ngacmimi seksual”, parashikuar nga neni 108/a/2 i Kodit Penal
K.P alias E.P, 46 vjeç i cili dyshohet se ka pasur lidhje intime me të miturën
I.P, 26 vjeç miku i K.P
Të dy akuzohen për “Shtrëngimi me anën e kanosjes për dhënien e pasurisë”, parashikuar nga neni 109/b dhe 25 të Kodit Penal
Në kërkim
Polici A.A i akuzuar për “ngacmim seksual”
- A., me detyrë Oficer i Patrullës së Përgjithshme në Komisariatin e Policisë Tepelenë është i shpallur në kërkim pasi është larguar ditën e djeshme në drejtim të Greqisë.
Njerku P. B.ishte me detyrë Oficer i Patrullës së Përgjithshme në Komisariatin e Policisë Përmet.
Njoftimi i Prokurorise
Prokuroria Gjirokastër nxjerr katër urdhra ndalimi, dy për punonjës policie për veprën penale ‘Ngacmim seksual’ ndaj të miturve
Prokuroria pranë Gjykatës së Shkallës së Parë të Juridiksionit të Përgjithshëm Gjirokastër ka lëshuar katër urdhra ndalimi për shtetasit I.P. 26-vjeç dhe K.P. alias E.P. 46-vjeç nën hetim për veprën p;enale “Shtrëngimi me anën e kanosjes për dhënien e pasurisë”, parashikuar nga neni 109/b dhe 25 të Kodit Penal dhe për shtetasit A.A. dhe P.B. të dy punonjës policie, persona nën hetim për veprën penale “Ngacmimi seksual”, parashikuar nga neni 108/a/2 i Kodit Penal.
Më datë 17.09.2025, ka marrë dijeni nga ana e punonjësve të policisë AMP Drejtoria Vlorë – Gjirokastër dhe të Drejtorisë Vendore të Policisë Gjirokastër, se një media lokale dispononte një material video ku dallohej një punonjës policie gjatë një bisede me një shtetase të mitur, gjatë së cilës kryente veprime me natyre seksuale.
Nën drejtimin e Prokurorisë është krijuar menjëherë grupi hetimor i përbërë nga dy prokurorë, oficerë të policisë gjyqësore të seksionit të prokurorisë, oficerë të AMP-së dhe oficerë të Drejtorisë Vendore të Policisë Gjirokastër, nga ana e së cilëve është bërë e mundur brenda disa orësh zbardhja e dinamikës së ngjarjes dhe identifikimi i gjithë personave të dyshuar.
Gjatë veprimeve hetimore paraprake, ka rezultuar se shtetasit I.P., 26 vjeç dhe K.P. alias E.P. 46 vjeç, në bashkëpunim midis tyre, kanë ushtruar presion ndaj një shtetaseje të mitur, duke e kërcënuar këtë shtetase dhe detyruar të zhvillonte një video regjistrim në muajin Gusht 2025, me shtetasin A.A. punonjës policie, ku shfaqej ky shtetas në momente intime.
Këta dy shtetas në vijim, duke përdorur dhe shtetasen e mitur, kanë kanosur punonjësin e policisë, për publikimin e videos në një emision investigativ dhe i kanë kërkuar këtij shtetasi një shumë prej 12 000 Euro për mospublikimin e videos. Gjatë kryerjes së veprimeve hetimore u konstatua dhe një rast tjetër ngacmimi seksual ndaj një shtetaseje të mitur, me të dyshuar një tjetër punonjës policie.
Për sa më sipër, sot më datë 18.09.2025, nga ana e Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër janë lëshuar katër urdhra ndalimi për shtetasit I.P., 26 vjeç dhe K.P., alias E.P, 46, persona nën hetim për veprën penale “Shtrëngimi me anën e kanosjes për dhënien e pasurisë”, parashikuar nga neni 109/b dhe 25 të Kodit Penal dhe për shtetasit A.A. dhe P.B. të dy punonjës policie, persona nën hetim për veprën penale “Ngacmimi seksual”, parashikuar nga neni 108/a/2 i Kodit Penal. Nga ana e Policisë janë ekzekutuar deri më tani tre urdhra ndalimi.
Nga ana e Policisë janë ekzekutuar deri më tani tre urdhra ndalimi.
