Neritan Vladi, ka shpërndarë një reagim në rrjete sociale, ku kritikon ashpër gjuhën dhe sjelljen e liderëve politikë në vend, duke e cilësuar situatën politike si të degraduar dhe të pandjeshme ndaj dinjitetit të qytetarëve.
“A është kjo ajo që shqiptarët meritojnë? A mundet që liderët politikë të largohen vetëm kur mosha biologjike i detyron?” – pyet Vladi, duke iu referuar mënyrës se si udhëhiqet vendi prej dekadash.
Në reagimin e tij, ai kritikon edhe deklaratat e kryeministrit në detyrë, i cili, sipas tij, i drejtohet fëmijëve në mënyrë të papërgjegjshme.
“Me kërkoni në internet se kam dalë nudo – kjo është kriminale, është fyese për shqiptarët, dhe askush rreth tij nuk guxon t’i thotë ndal,” shkruan Vladi.
Ai nuk kurseu as kandidatin tjetër për kryeministër, duke e krahasuar me presidentin amerikan Biden, për mungesën e koherencës dhe seriozitetit në komunikim publik.
“Çdo ditë u jep qytetarëve ‘ushqim për pula’. Ndoshta pa dashje – siç ndodhte edhe me Bidenin,” ironizon ai.
Në përfundim, ai u bën thirrje qytetarëve që të mos pajtohen me këtë realitet politik:
“Shqipëria meriton më shumë. Shqiptarët kanë zgjidhjen – për të refuzuar dallkaukërit 34-vjeçarë.”
Postimi i plote
