Tre punonjës të policisë kufitare në Pogradec janë pezulluar nga detyra pas akuzave për shpërdorim detyre dhe falsifikim dokumentash. N/Komisari I.T., Inspektor K.L. dhe Inspektor F.I. janë pezulluar pasi dyshohet se kanë favorizuar dy shtetas që kryen peshkim të paligjshëm në liqenin e Ohrit.
Agjencia e Mbikëqyrjes Policore, në bashkëpunim me Prokurorinë, ka zbatuar një vendim të Gjykatës së Shkallës së Parë të Korçës, duke caktuar masën e sigurimit
“Pezullimi i ushtrimit të një detyre ose funksioni publik” ndaj tre punonjësve të policisë, të cilët janë akuzuar për kryerjen e veprave penale “Falsifikim i dokumentave” dhe “Shpërdorim i detyrës”.
Hetimet janë bazuar në dyshimet se, edhe pse ata kishin konstatuar më 28 dhjetor 2024 se shtetasit E.P. dhe L.E. po kryenin peshkim të ndaluar në liqenin e Ohrit, punonjësit e policisë kanë favorizuar aktivitetin e paligjshëm të këtyre individëve, duke dyshuar përfitime të mundshme.
