Një sherr me thika ka ndodhur në Shkozë ditën e sotme.
Si rrjedhojë policia e Tiranës ka arrestuar një 43-vjeçar dhe ka proceduar penalisht tre të tjerë, pasi këta shtetas kanë goditur me mjete prerëse njëri-tjetrin në Shkozë.
Sipas njoftimit të Policisë, është arrestuar shtetasi me iniciale F.D,. 43 vjeç, banues në Tiranë, si dhe ka nisur procedimi në gjendje të lirë për shtetasit I. N., 43 vjeç, V. N., 49 vjeç dhe D. E., 33 vjeç, edhe këta të tre banues në Tiranë.
Si pasojë e konfliktit mes tyre, është dëmtuar shtetasi F. D., i cili ndodhet në spital, jashtë rrezikut për jetën.
Materialet procedurale i kaluan Prokurorisë, për vlerësim.
