Partizani po funksionon si një makinë perfekte garash, por ende nuk e ka një “pilot” të konfirmuar, me Abilaliajn, që deri në këtë pjesë të rrugës ka arritur ta ngasë me 200 km/orë.
Orges Shehi pritet të jetë trajner i “demave”, me durrsakun, që ka një çështje të hapur në FSHF në lidhje me kontratën me Tiranën.
Burime për gazetën pranë klubit bëjnë me dije se Shehi pritet të vijë në stolin e kuq gjatë grumbullimit të Kombëtares, që mund të jetë një përpjekje për të mos marrë vëmendje të madhe mediatike.
Mësohet se pjesë e stafit të Shehit do të jenë edhe dy ndihmësit që kishte te Tirana, Artan Karapici dhe Sebino Plaku, gjithashtu ish-lojtarë të Partizanit.
