Një punonjës karburanti është konfliktuar fizikisht gjatë natës së kaluar në Korçë me një person ende të paidentifikuar.
Ngjarja ka ndodhur rreth orës 01:35, në lagjen nr. 10 të qytetit juglindor.
Pas sherrit, autori ka larguar në drejtim të paditur, ndërsa punonjësi i karburantit ka marrë ndihmë mjekësore dhe është larguar për në banesë.
Policia e Korçës ka njoftuar se, pas hetimeve të para, nuk është konstatuar asnjë vjedhje në pikën e karburantit ku ka ndodhur ngjarja. Grupi hetimor, nën drejtimin e Prokurorisë, po punon për zbardhjen e rrethanave të rastit dhe identifikimin e autorit.
