Spektakli i djeshëm në ‘Big Brother Vip Kosova’ pati një oaz emocionesh, debate, surpriza dhe rrëfime personale të banorëve ‘vip’. Këngëtari Blero ka ndarë me publikun historinë e tij, nga fëmijëria, karriera e deri tek problemet shëndetësore emocionale me të cilat është përballur në një periudhë.
Ai tregoi se për 3 vite ai ka vuajtur nga depresioni dhe për këtë i është dashur të trajtohet jashtë vendit. Rrëfimi mes lotësh i artistit emocionoi banorët dhe publikun, ndërsa një mesazh për të ka edhe e dashura, e cila në një postim në rrjete sociale ka shprehur mbështetjen ndaj tij.
Ajo shprehet se është shumë krenare që Blero e ndau me publikun këtë problem me të cilin mund të përballet kushdo dhe nuk duhet fshehur.
“Jam shumë krenare për ty, faleminderit që i tregove të gjithëve se kjo është krejtësisht normale. Nëse nuk ndihemi mirë, duhet të kërkojmë ndihmë. Të dua jetë”, u shpreh ajo.
