Një 27-vjeçar është arrestuar ditën e sotme nga policia në Tiranë, pasi akuzohet për armëmbajtje pa leje. Në panga ka rënë shtetasi me iniciale Dh.Th, pasi një natë më parë ka qëlluar disa herë me armë zjarri në ajër në afërsi të banesës së të afërmve, duke shkaktuar panik tek familjarët.
“Shërbimet e Komisariatit të Policisë Nr. 1, në vijim të punës për garantimin e sundimit të ligjit në territor, pas informacionit të marrë se në fshatin Zaranikë, një shtetas kishte qëlluar me armë zjarri që e mbante pa leje në banesë, kanë organizuar punën në kuadër të operacionit mbarëkombëtar “Sundimi i ligjit” dhe si rezultat kanë vënë në pranga shtetasin:
– Dh. Th., 27 vjeç, banues në Shkozë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
