Kërkesa e PD për mocionin me debat për kërkesat e protestuesve dhe raportin e Parlamentit Europian është rrëzuar nga PS-ja në Konferencën e Kryetarëve.
Socialistët nuk pranuan të dëgjojnë kërkesat e qytetarëve që prej 25 ditësh po protestojnë në shesh.
Madje, Taulant Balla iu vendosi kushte protestuesve.
I pari ishte që nëse duan të dëgjohen, duhet të mbështesin integrimin evropian, edhe pse asnjë nga thirrjet e protestuesve nuk është drejtuar kundër integrimit.
I dyti lidhet me pretendimet e Ramës, Ballës dhe socialistëve, që protesta duhet të distancohet nga Irani dhe Rusia.
“E ndërlidhur me protestuesit, kur çdo protestues, çdo qytetar që do përfaqësohet përmes një formacioni politik dhe ajo do të këtë vende në parlament do të bashkëpunojmë edhe më ta, me kushtin që të mbështesin procesin e anëtarësimit në BE, të jenë të distancuar nga Irani, Rusia dhe aktorë të tjerë jo miqësore me Shqipërinë”, deklaroi Balla.
