Gjatë eventit “Dyfisho sipërmarrjen tënde”, kryeministri Edi Rama u ndal te protestat ku prej 47 ditëve në sheshet e Shqipërisë por edhe jashtë vendit kërkohet dorëheqja e tij.
Në fjalën e tij, Rama, si në çdo dalje publike edhe këtë herë zgjodhi të injorojë shqetësimet e qytetarëve për nivelin e lartë të korrupsionit dhe gjendjen e vështirë socialo-ekonomike teksa pakënaqësinë e qytetarëve dhe protestat kundër qeverisë në mënyrë të habitshme i ka lidhur me rritjen ekonomike dhe përmirësimin e treguesve ekonomikë.
Rama deklaroi se shifrat ekonomike janë pozitive, por sipas tij ato nuk po sjellin efektin e pritur te qytetarët.
Madje Rama tha se sa më pozitive të jenë shifrat, aq më shumë ato po shkaktojnë acarim.
