Prokuroria e Korçës ka përfunduar hetimet për vrasjen e Egli Progës në Pogradec dhe ka dorëzuar dosjen për gjykim. Ngjarja tragjike ndodhi më herët këtë vit, kur Proga u qëllua për vdekje në një ambient të hapur në qytet.
Denis Mece akuzohet për vrasje me dashje të Egli Progës. Ndërsa, tre persona të tjerë përballen me akuza për moskallëzim krimi dhe pengim të zbardhjes së së vërtetës.
Ata dyshohet se kanë vepruar në mënyrë të tillë që kanë mundësuar fshehjen e disa elementeve të hetimeve që do të ndihmonin në zbardhjen e ngjarjes.
