Tereza Ribeiro, përfaqësuesja më lartë e OSBE-së për Lirinë e Medias, ka reaguar e shqetësuar lidhur me presionet që SPAK ka ushtruar ndaj gazetarit të “Ora News” Elton Qyno, të cilit iu kërkua dorëzimi i burimeve të informacioneve të lajmeve që publikon.
Përmes faqes zyrtare në platformën sociale “X”, përfaqësuesja më e lartë në Europë e Lirisë së medias deklaron se konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër.
Konfidencialiteti i burimeve gazetareske është kyç për lirinë e medias dhe duhet të mbrohet rreptësisht nga ligji dhe çdo praktikë tjetër”, thekson zyrtarja e lartë e OSBE.