Një aksident me vdekje është regjistruar në orët e para të mëngjesit të sotëm, në rrugën “29 Nëntori”, pranë ish-sheshit “Shqiponja” në kryeqytet.
Autoritetet policore raportojnë se automjeti me drejtues shtetasin J. M., rreth 35 vjeç, ka përplasur një këmbësor ende të paidentifikuar, rreth 70 vjeç, i cili po kalonte trafikndarësen. Si pasojë e aksidentit, këmbësori ka humbur jetën në vendin e ngjarjes.
Raportohet se drejtuesi i automjetit është shoqëruar në komisariat, për veprime të mëtejshme.
Policia thotë se grupi hetimor po punon për sqarimin e rrethanave të aksidentit dhe për identifikimin e viktimës.
