Dy efektivë të Policisë së Shtetit në Dibër janë pezulluar nga detyra, pasi akuzohen për “Shpërdorim detyre”.
Masat u morën nga Agjencia e Mbikëqyrjes Policore (AMP) me urdhër të Prokurorisë së Dibrës.
Vendimi vjen si pjesë e hetimeve për një ngjarje të ndodhur në Bulqizë më 10 mars 2024, ku tre persona mbetën të plagosur rëndë.
Sipas AMP-së, hetimet kanë zbuluar se dy punonjësit e policisë nuk kanë përmbushur detyrat e tyre funksionale në përputhje me ligjin gjatë asaj ngjarjeje.
