Janë helmuar sërish rreth 30 kursantë të Akademisë së Sigurisë në Tiranë.
Mësohet se kursantët kanë shfaqur probleme shëndetësore, simptoma si: të vjella, diarre, temperaturë dhe dhimbje koke. Ata janë dërguar me urgjencë në spital ku po marrin mjekimin e nevojshëm.
Ky është rasti i dytë i ngjashëm që ndodh brenda pak muajsh në Akademinë e Sigurisë. Në maj të këtij viti, 56 studentë të Akademisë së Sigurisë në Tiranë u paraqitën në spital pas dyshimeve për helmim ushqimor, pas konsumimit të ushqimit të shpërndarë në ambientet e institucionit.
Ngjarja ka çoi në nisjen e hetimeve dhe në arrestimin e dy personave të lidhur me shërbimin e kateringut. Shkak u bë ushqimi i cili shërbehej nga kateringu i kompanisë ‘SORI-al’.
