Policia e Tiranës ka arrestuar 24-vjeçarin Arbër Toçilla, pas një aksidenti tragjik të regjistruar mbrëmjen e së mërkurës në Farkë.
Sipas Policisë, i riu dyshohet se, teksa po kryente një manovër me automjetin për të lëvizur në drejtim të pasëm, ka përplasur aksidentalisht një fëmijë, një vajzë rreth 1 vjeç e gjysmë.
Përplasja ka rezultuar fatale për vogëlushen, e cila ka humbur jetën si pasojë e plagëve të marra.
Pas ngjarjes, 24-vjeçari është shoqëruar dhe më pas arrestuar nga efektivët e Policisë së Tiranës.
Grupi hetimor vijon punën për të zbardhur plotësisht rrethanat e aksidentit tragjik.
