Partia Demokratike do të zhvillojë më 27 gusht, në orën 18:00, mbledhjen e Këshillit Kombëtar në selinë e saj.
Sipas njoftimit të shpërndarë për anëtarët e Këshillit, takimi do të fokusohet te platforma për modernizimin e strukturave të brendshme të PD-së dhe zhvillimin e infrastrukturës digjitale të partisë.
Në mbledhje pritet që platforma të paraqitet përpara anëtarëve dhe më pas të hidhet për miratim.
Anëtarëve të Këshillit Kombëtar u është kërkuar të marrin masat përkatëse për të qenë të pranishëm në mbledhjen e 27 gushtit.
Rendi i ditës parashikon vetëm një pikë: paraqitjen dhe miratimin e platformës për modernizimin e brendshëm të Partisë Demokratike dhe të infrastrukturës së saj digjitale.
