Ish-presidenti i klubit Partizani, Paro Laçi, në emisionin “Real Story” teksa foli për privatizimin e ish-kompleksit “Partizani” ka treguar se i është bërë presion në atë kohë nga policia, me urdhër të ish-kryeministrit Sali Berisha.
“Tonin Vocaj na ka bërë një presion të paparë na ka thirrur edhe në ambientet e Drejtorisë së Tiranës dhe aty ne kemi debatuar në korridor. Ishte si të thuash një takim presion, që do më detyronin të firmosja, dhe ishin Xhim Begeja dhe Fatmir Bektashi. Në ambientet e brendshme të zyrës, ka qenë dera pak e hapur, ka qenë edhe Jamarbër Malltezi.
Po ashtu Laçi shton se pasi nuk ka pranuar të firmosë i është bërë presion nga Agron Kuliçi, ndërsa thekson se Agron Kuliçi ishte personi që kishte në dorë interesat e familjes Berisha.
Laçi është shprehur se është arrestuar aq shumë herë, sa për batutë tha se flija me rroba gati, pasi dilja nga burgu, pasi mund t’u arrestoja sërish.
“Jam arrestuar shumë herë. Arrestohesha, dilsha. Flija me rroba gati”, tha ai.
Duke u ndalur këtu, foli edhe për rastin e 21 janarit ku ai mund të eliminohej nga Berisha për t’ia lënë më pas fajin kreut të opozitës së asaj kohe, Edi Ramës.
Ai tha se disa tifozë të Partizani i shkuan në zyrë dhe i treguan për skemën që ishte përgatitur për eliminimin e tij.
Te gjithë jemi në rrezik për jetën. Kam pasur kërcënime për jetën shpesh herë. Do të them një rast, që kjo është pjesë e presioneve që ata pastaj na i morën fushat.
Erdhi Erzen Breçani, vjen edhe shefi i krimeve, më tha “ jam shefi i krimeve dhe të marr zvarrë”. Atë e ka publikuar shtypi i ditës.
Jam kërcënuar edhe përballë kamerave, përballë shumë njerëzve.
Në 21 janar 2011, disa tifozë të Partizanit më erdhën dhe thanë se cfarë skeme po bëhej për të më eliminuar mua” tregoi Laçi
