Një zjarr i përmasave të mëdha është aktivizuar gjatë natës në zonën e Himarës, ndërsa flakët vijojnë të përhapen në terren.
Pamjet e publikuara nga JOQ, tregojnë një front të gjerë zjarri në zonat kodrinore. Flakët janë të dukshme nga distanca dhe kanë intensitet të lartë.
Siç mund të shihet në videon e mëposhtme, zjarri po afrohet në drejtim të zonave të banuara, duke vënë në rrezik dhjetëra familje, ndërsa raportohet se deri më tani flakët kanë shkrumbuar një banesë.
Era e fortë po favorizon përhapjen e flakëve dhe po ndikon në përparimin e zjarrit. Situata paraqitet kritike, ndërsa deri më tani nuk ka pasur asnjë ndërhyrje nga ajri.
